Category: New News

“PROTEAM” фитнесийн нээлтийн үйл ажиллагааг тохиолдуулан зохион байгуулсан “Эрүүл Монгол-FIT Монгол-2024” өдөрлөг болон Proteam нээлт 2024.05.18-ний өдөр Тусгаар тогтнолын ордны урд талбайд ажилттай зохион байгуулагдсан.

Тус өдөрлөгөөр хүрэлцэн ирсэн хүн бүхэн мэргэжлийн багш нарын хамт нэгэн өдрийг бэлтгэл, дасгал хийж өнгөрүүлсэн бөгөөд мэргэжлийн эмч нараас зөвлөгөө авах, урлагийн үзүүлбэр зэрэг олон олон сонирхолтой арга хэмжээнүүд зохион байгуулагдсан юм.

Мөн “FIT МОНГОЛ-2024” өдөрлөгт хамтран оролцсон компаниуд өөрсдийн асраар зочилсон хүн бүрд эрүүл мэндийн бүтээгдэхүүнүүдийн талаар зөвлөгөө, мэдээлэл өгч оролцлоо.

Тус өдөрлөгийг амжилттай зохион байгуулахад ерөнхий ивээн тэтгэгчээр оролцсон “Bonaqua”, хамтран зохион байгуулагчаар оролцсон Сүү Хувьцаат Компани | SUU JSC, Well Bee LLC, Denk Pharma Mongolia, Капитрон Банк / Capitron Bank, Monos Group – Монос Групп, Анугоо ХХК, Canadian Natural Health та бүхэндээ маш их баярлалаа.

Сүүлийн жилүүдэд хадгаламжийн хүү буурч, инфляцийн түвшин өдрөөс өдөрт өсөж байгаатай холбоотойгоор иргэдийн хадгаламжин дах мөнгө өдрөөс өдөрт үнэ цэнээ алдсаар байна. Иргэдийн мөнгөний үнэ цэнээ хадгалах хэрэгцээг хангах санхүүгийн олон бүтээгдэхүүн зах зээлд байгаагаас зайлшгүй харгалзан үзэх бүтээгдэхүүн нь үл хөдлөх хөрөнгө юм. Учир нь үл хөдлөх хөрөнгө барьцтайн дээр зөв үл хөдлөх хөрөнгийн үнэ цэнэ үргэлжид өсч, нэмэгдэж байдаг. Тийм ч болохоор, ухаалаг хөрөнгө оруулагчдын хөрөнгө оруулалтын багцад үл хөдлөх хөрөнгө заавал багтдагын дээр дэлхийн тэрбумтнуудын ихэнх нь энэ салбарт хөрөнгө оруулсан байдаг. Харин Монголд үл хөдлөх хөрөнгийн зах зээлд хөрөнгө оруулах боломж тийм ч нээлттэй бас түгээмэл биш байдаг нь үл хөдлөх хөрөнгөд оруулах хөрөнгө оруулалтын хэмжээ голдуу том дүнгээр яригддаг учир тэр болгон олныг хамарч чаддаггүй. Гэхдээ, цар тахлын нөлөөгөөр Монголын бизнесийн олон салбар технологийн боломжийн тусламжтайгаар дижиталд эрчимтэй шилжиж байна. Энэ давалгаа барилга үл хөдлөх хөрөнгийн салбарыг ч тойрсонгүй. Түүний нэг илрэл нь Монголын анхны PropTech компани болох БЛОК ХХК технологийн давуу талыг ашигласан, блокчэйн технологи дээр суурилсан, хүртээмжтэй хөрөнгө оруулалтыг дэмжсэн www.block.mn платформоо удахгүй нээх аж. Тус платформ нь Эрхсис Монголиа, Тэнхлэг зууч ХХК, Тэнгэрлиг медиа групп, Зайон Ассет Менежмент ҮЦК зэрэг компаниудын нэгдэл бөгөөд үл хөдлөх хөрөнгөд хөрөнгө оруулах сонирхолтой хүмүүст зориулсан анхны арга хэмжээгээ зохион байгуулж байгаа нь энэ. Анхныхаа Property Investment Summit эвентээр, Улаанбаатар групп ХХК-ийн үл хөдлөх хөрөнгийн төслүүдэд хөрөнгө оруулалт татах, урьдчилсан захиалга авах замаар 1-3 жилийн хугацаанд 30-40% өгөөж амлан хөрөнгө татан төвлөрүүлэх бөгөөд ирэх 10 дугаар сард хөрөнгө оруулалтын энэ боломжоо илүү олон хүнд хүргэж, хүртээмжтэй болгох юм. Ингэснээр, 100.000 төгрөгөөр ч үл хөдлөх хөрөнгийн төсөлд хөрөнгө оруулах боломж бүрдэх юм байна. БЛОК ХХК, ирэх саруудад Улаанбаатар хотод хэрэгжиж байгаа үл хөдлөх хөрөнгийн бусад төсөл хэрэгжүүлэгч, дэвелопер компаниудад төслүүддээ хөрөнгө оруулалт татахад нь туслахаар ажиллаж байгаа аж.

UB group-н зүгээс Эх хүүхдийн эрүүл мэндийн үндэсний төв-д нэн шаардлагатай эмчилгээний тоног төхөөрөмж гардуулах үйл ажиллагаа өнөөдөр боллоо. Эх хүүхдийн төлөө уриан дор зохион байгуулсан үйл ажиллагаанаас цугласан хандиваар нийт 253 сая төгрөгийн үнэ бүхий эмчилгээний тоног төхөөрөмжийг UB group-н Ерөнхий захирал Ц.Батбаатар, Гүйцэтгэх захирал, О.Гэрэл нар тус эмнэлгийн Удирдлага, тасгийн эрхлэгч, эмч нарын төлөөлөлд гардуулан өглөө. Эх, хүүхдийн эрүүл мэндийг сахин хамгаалах сайн үйлсэд хувь нэмэрээ оруулж, сэтгэл зүрхээрээ оролцсон UB group-н нийт хамт олон, хамтрагчид, бүх хүмүүстээ чин зүрхний талархал илэрхийлж, хамгийн сайхныг хүсэн ерөөе. Монголын үрс эрүүл энх өсөн торниж, улам олон болох болтугай.

Тогтвортой хөгжилд хамтдаа уриан дор зохион байгуулагдаж байгаа БАРИЛГА-ОРОН СУУЦ 2022 үзэсгэлэн яармаг нээлтээ хийлээ. Барилгын салбарын хөгжил дэвшилд хүчээ нэгтгэн, хамтран зүтгэхийг уриалж, UB GROUP тус үзэсгэлэнд Ерөнхий ивээн тэтгэгчээр оролцож байна. Үзэсгэлэн яармагт бид дараах төслүүдээ танилцууллаа.

• – Sky Land төсөл
• – Sky Park төсөл
• – Casa Bianco төсөл
• – Vision Business Tower төсөл
• – Central Park төсөл

Тус экспо нь 9 сарын 9-11ний өдрүүдэд Мишээл Экспо төв-д болсон юм. Мөрөөдөл бүрт хамтдаа | UB group